Образование
15.05.2026
Төтенше жағдайлар және террористік актілер кезіндегі эвакуациялық оқу-жаттығу
15 мамыр 2026 жылы «Новоишим қазақ жалпы білім беретін мектебі» КММ-де төтенше жағдайлар және террористік актілер кезіндегі эвакуациялық оқу-жаттығу өткізілді. Іс-шараның негізгі мақсаты – оқушылар мен мектеп қызметкерлерінің төтенше жағдайлар кезінде дұрыс әрекет ету дағдыларын қалыптастыру, қауіпсіздік ережелерін сақтау және шұғыл эвакуациялау тәртібін тәжірибе жүзінде пысықтау болды.
Оқу-жаттығуға барлығы 421 оқушы мен 89 мектеп қызметкері қатысты. Дабыл белгісі берілгеннен кейін мектеп ұжымы мен оқушылар алдын ала бекітілген эвакуациялық жоспарға сәйкес ғимараттан ұйымдасқан түрде шығарылды. Сынып жетекшілері оқушыларды белгіленген бағытпен қауіпсіз аймаққа алып шығып, қатысушылардың толық жиналуын тексерді. Жауапты қызметкерлер оқу кабинеттері мен дәліздерді аралап, ғимарат ішінде адамдардың қалмағанына көз жеткізді.
Оқу-жаттығу барысында өрт шығу, түтін пайда болу және террористік қауіп төнген жағдайлардағы іс-әрекеттер түсіндірілді. Қатысушыларға күдікті зат табылған жағдайда оған жақындамау, бөгде адамдардың әрекетіне назар аудару, дереу мектеп әкімшілігіне немесе жауапты тұлғаларға хабарлау қажеттігі ескертілді. Сонымен қатар, террористік акт қаупі туындаған кезде сабыр сақтау, дүрбелеңге жол бермеу, мұғалімдер мен қауіпсіздік қызметкерлерінің нұсқауларын қатаң орындау талаптары түсіндірілді.
Жаттығу кезінде оқушылар мен қызметкерлер эвакуациялық шығу жолдарын пайдалану тәртібін, қауіпсіз жиналу орнына жылдам жету әрекеттерін және алғашқы қауіпсіздік шараларын тәжірибе жүзінде орындады. Іс-шара соңында мектеп әкімшілігі оқу-жаттығудың жоғары деңгейде ұйымдастырылғанын атап өтіп, мұндай жаттығулардың оқушылар мен қызметкерлердің қауіпсіздігін қамтамасыз етудегі маңызы зор екенін айтты.
